COMUNICADO XERAL A FAMILIAS

Como xa sabedes, debido á situación que estamos vivindo, o equipo de infantil reunímonos para confeccionar unhas pautas de actuación referentes ao traballo que podedes levar a cabo cos vosos fillos ata que a situación se normalice. Aconsellamos que o alumnado de 5º de Educación Infantil reforce na casa os seguintes aspectos:

*Dedicar tempo a falar cos nenos, falar das nosas emocións e sentimentos. Falar con eles sobre a situación que estamos a vivir e a que se debe. Lavar as mans con frecuencia.

*Que sexan capaces de respectar as quendas de palabra. (Si estades a falar por teléfono, por exemplo, terán que esperar a que rematedes para poder falar con vós) e que aprendan a “esperar”. Non se pode ter todo ao momento, hai que ser pacientes.

*Abotoar/desabotoar, abrir e pechar cremalleiras de chaquetas. (Podedes probar tamén a atar cordóns dos zapatos si o dos botóns e cremalleira xa o teñen dominado).

*Agarre da tesoira e recortado seguindo unhas liñas dadas (rectas e curvas).

*Escritura dos números 1 - 8 seguindo a direccionalidade correcta (Escritura seguindo patrón de liñas/puntos a repasar e escritura libre sen patrón). Asociar número(escritura) e cantidade (contar fabas, garbanzos...) e realizar sumas de xeito sinxelo e manipulativo (teño 2 plátanos e 3 mazás, Canta froita teño?)

*Escritura das vogais en maiúscula e minúscula. Do mesmo xeito que os números presentando especial atención na direccionalidade e tamén a realizar seguindo patrón de liñas/puntos e escritura libre).

*Escritura do seu propio nome de esquerda a dereita, cun tamaño de letra axeitado e coidando que a direccionalidade das mesmas sexa axeitada. Coñecer o nome de cada letra que compón o seu nome. (A escritura do nome en maiúsculas. Coido que, para eles, realizar os trazos en minúscula é moi complicado a estas alturas, posto que terían que facelo sen levantar o lapis, pero se os vedes capaces...adiante)

*Ler contos e realizar preguntas de comprensión (de igual xeito se pode realizar tamén con vídeos que vexan en internet). Xogar a descubrir por que letras comeza determinada palabra do conto oíndo o seu son (Enfatizar máis ese son ao pronuncialo e comezar por vogais, despois por consonantes) Xogar a buscar palabras que empecen con...

*Xogar con formas xeométricas (círculo, cadrado, rectángulo, triángulo e ovalo) buscalas entre as cousas da casa (xoguetes, cacharros de cociña, adornos...), debuxalas, inventar debuxos con elas...

*Escoitar cancións que impliquen mímica e movemento de dedos, mans e corpo. Se non podemos saír...bailemos todos xuntos na casa!

*Facer puzzles, debuxar, pintar con pintura de dedos e pincel, xogar con plastilina, enebrar macarróns con lá, xogar con bloques e facer torres e series...

*Xogar a saltar cos pés xuntos, pata coxa, camiñar de puntillas, de talóns, andar a gatas, camiñar por unha liña marcada, xogar ao escondite, reptar, lanzar e recibir balóns sen que toquen o chan...

Estas pautas son xerais. Coido que sodes conscientes de que cada neno é único e ten o seu propio nivel de desenvolvemento. NON TEÑEN QUE SABER FACER TODO Á VOLTA,  simplemente vos propoño algo xeral. Coido que é importante que non perdan a autonomía gañada. Agora teñen tempo para vestirse e espirse, comer con tranquilidade e ben sentados sen falar coa comida na boca, falar sen gritar, acostumarse a recoller xoguetes antes de coller outros novos...e, sobre todo, axudarvos coas tarefas da casa (facer a cama, poñer e recoller a mesa, facer a comida, poñer a lavadora, limpar a casa....

É moi importante establecer rutinas diarias (levantarse, ir ao baño, lavar as mans, almorzar, lavar os dentes, facer tarefas do cole (antes de comezar, poñer a data (hai cancións dos días da semana e meses do ano en youtube) , mirar que tempo fai...), xogar, lavar as mans, preparar a comida, comer, recoller a mesa...etc...).

Sinto moito ter que mandarvos esta mensaxe. Ogallá que pronto nos volvamos a atopar todos xuntos no cole e que esta situación que estamos a vivir se resolva do mellor xeito posible.

Unha aperta moi grande para todos e todas. Ata a volta!!!