PROPOSTA DE ACTIVIDADES DA PROFE ANDREA

Hoxe comparto con vos unha proposta de actividades que deseñou a profe Andrea con moita ilusión para os peques. 

Pídovos que a levedes a cabo e me enviedes fotos para que Andrea poda documentar a actividade na súa memoria de prácticas. Para iso, as fotos que eu lle pase serán só das produccións dos nenos. Tamén podedes enviarme fotos nas que salgan os nenos que colgarei no blogue.

LIÑA TEMÁTICA: 

O ROSTRO

ACTIVIDADE 1:  Debuxo do seu propio rostro. Mirándose no espello ou mirando unha foto de eles mesmos o aluando debe debuxar o seu propio rostro. Para elo, pode empregar todas aquelas ferramentas das que dispoña e mesmo pode crealas como é o caso de distintos tingues que se poden obter a través de materiais naturais.

• a.  Con peles de cebola, obtense a cor laranxa. Para elo, cócense as peles de cebola cunha pouca auga. Video tutorial: https://www.youtube.com/watch?v=R3Yo6dA_WyI
• b.  Con arándanos, azul escuro. Neste caso, os arándanos machácanse para a continuación fervelos cunha pouca auga durante uns minutos.
• c.   Con espinacas, verde. Nun morteiro, agréganse as espinacas e un pouco de alcol ata conseguir o pigmento verde.
• d.   Con moras, morado. Neste caso, as moras machácanse para a continuación fervelas cunha pouca auga durante uns minutos. 

ACTIVIDADE 2:  Debuxar a alguén da familia e que estes teñan que adiviñar quen é.  

ACTIVIDADE 3: Recortas varias partes dun rostro real ( de periódicos ou de revistas) e formar diferentes rostros mesturando as distintas partes. Tamén poden debuxar eles as partes do rostro no caso de que non dispoñan de ningunha revista. 

ACTIVIDADE 4:  Moldeado de rostro. Contando con que as familias dispoñan de plastilina, os nenos e nenas poderían moldear diferentes rostros con plastilina. No caso de que as familias non dispoñan dela, a mestra de 4 anos puxo a súa disposición un vídeo explicando como se pode crear plastilina na casa. 

Unha aperta familias!